Reflexión sobre o PLE de Marta Rey Gómez

O PLE -Persoal Learning Environment- defínese como unha contorna persoal de aprendizaxe, na cal o conxunto de elementos -recursos, actividades, fontes de información- que cada persoa emprega para a súa xestión da aprendizaxe. Desta maneira, cada persoa xestiónaa e organízaa a súa maneira, dependendo do seu modo de aprender, das súas necesidades, do seu campo de estudo ou da súa relación coa tecnoloxía.

Segundo a Adell e Castañeda (2010), ambos expertos na materia, un PLE configuraríase ao redor das ferramentas e servizos que nos permiten o acceso e a relación coa información -acceso e actividade- e con outras persoas, en concreto as ferramentas sociais da Web 2.0, e das estratexias que configuramos o emprego das mesmas. Polo tanto, pódese dicir que un PLE confórmase entorno a aquelas ferramentas que nos permiten tres procesos cognitivos básicos: 

• Ferramentas e estratexias de lectura: as fontes de información ás que accedo que me ofrecen dita información en forma de obxecto ou artefacto -mediatecas-.
• Ferramentas e estratexias de reflexión: as contornas ou servizos nos que podo transformar a información -sitios onde escribo, comento, analizo, recreo, publico-.
• Ferramentas e estratexias de relación: contornas onde me relaciono con outras persoas de/coas que aprendo.

O meu PLE

En termos de tecnoloxía, fálase de tres grupos de ferramentas:

• De acceso á información
• De creación e edición de información
• De relación con outras

Na imaxe pódense observar estes tres grupos de ferramentas que emprego no meu día a día, como Twitter, Facebook, LinkedIN, WhatsApp, etc.

Curación de contidos
Pinterest

    Pero dada a gran cantidade de fontes de información que existen, a curación de contidos pode ser vista como unha maneira de aliviar a intoxicación informativa que sufrimos nos nosos días. Esta é un proceso de busca, organización e xestión dos contidos da web sometido a criterios de veracidade, utilidade, relevancia e importancia. A curación de contidos sérvenos para organizar a información necesitada sobre calquera área ou proxecto, a través da selección de diversas fontes, constituíndo así un banco de recursos.

Algunhas das ferramentas para realizar curación de contidos son Feedly, Scoop.it e Diigo entre outras. Dado que durante a miña traxectoria académica empreguei Scoop.it, nesta ocasión decántome por Feedly.

Feedly é unha ferramenta que nos permite ler o feed de distintas páxinas web que axuntamos e agregamos manualmente. Dita ferramenta ou aplicación -conta con versión web e aplicación para móbiles- é sumamente útil se non queremos entrar nas páxinas que máis nos interesan unha a unha para comprobar se hai ou non novas aplicacións.

Captura de pantalla da miña conta de Feedly

Dende o meu punto de vista, o PLE é un recurso importante e innovador na aprendizaxe, xa que se empregan ferramentas dispoñibles na web para aprender, adquirir competencias e interactuar realizando aportes con comunidades que perseguen o mesmo propósito. Así mesmo, Feedly permítenos xestionar a información e non caer na saturación, iso si, tendo unha boa organización da información seranos máis sinxelo fabricar coñecemento.

Para saber máis 👇

Adell, L., e Castañeda,L. (2010). Los Entornos Personales de Aprendizaje (PLEs): una nueva manera de entender el aprendizaje. En Roig Vila, R. e Fiorcucci, M. (Eds.) Claves para la investigación en innovación y calidad educativas. La integración de las Tecnologías de la Información y la Comunicación y la Interculturalidad en las aulas. Stumenti di ricerca per l´innovaziones e la qualitá in ámbito educativo. La Tecnologie dell´informazione e della Comunicaziones e l´interculturalitá nella scuola. Alcoy: Marfil, Roma TRE Universita degli studi.