Moi boas,
O meu nome é Marta Rey Gómez, e son dun pequeno concello da provincia de Pontevedra -Ribadumia-, pero este é o sexto ano que vivo en Santiago de Compostela.
 |
O meu avatar de Peanuts 😆 |
No referido á miña formación, estudei o Grao en Pedagoxía e o Máster Universitario en Procesos de Formación, na especialiade de orientación e asesoramento, ambos na Universidade de Santiago de Compostela (USC). Actualmente, estou cursando o Máster de Profesorado, na especialidade de Orientación Educativa, tamén na USC, o cal o complemento co Posgrao de Especialización en Orientación Laboral #POLAB20 . Así mesmo, realicei diversos cursos como o de Productividade Persoal e o de Competencias dixitais para profesionais.
En canto á miña experiencia laboral, esta é máis curta que a das miñas compañeiras e compañeiros. Dende fai anos, coido, atendo e dou apoio educativo a nenas e nenos, labor que me permite complementar cos estudos. Realicei as prácticas da carreira en ATEGAL e en forGA, esta última foi a institución onde descubrín o mundo da orientación laboral e onde xurdiu o meu interese. Neste último ano, tiven a oportuidade de exercer como orientadora laboral no Foro de Emprego Talentia Summit 2019, así como de axente de colocación, tramitando o Ingreso Mínimo Vital (IMV).
Dado o meu interese na orientación laboral, labor a que me gustaría dedicar, non dubidei en inscribirme neste posgrao, xa que considero que é un curso que me pode enriquecer persoal e profesionalmente.
A continuación, móstrovos a canción de The Weeknd - Blinding Lights-, a cal me transmite enerxía positiva e boas vibras. Agardo que vos guste!! 🤩
Para finalizar, deíxovos o libro que vou a comezar a ler, La pedagogía contra Frankenstein y otros textos frente al desaliento educativo, de Miguel Ángel Santos Guerra, encomendado pola profesora da materia de Educación, familias, sociedade e política educativa do Máster de profesorado. A ver que tal está!!
Comentarios
Publicar un comentario